Den Ukentlige

Når fotballforbunda i Norge og Sverige no legg fram planar om å søke om Fotball-EM i 2016 kan eg ikkje hjelpe for å være skeptisk til heile greiene. Med utvidinga av mesterskapet frå 16 til 24 land er dette eit for stort arrangement for land som Norge og Sverige. Då Sverige arrangerte EM i 1992 var de berre åtte land med, det er klart at det er ein heilt annan størrelsesorden på det mesterskapet som vil finne stad i 2016 enn det som fann stad 14 år tidlegare. Fotball-EM er blitt til eit mesterskap som høyrer heime i dei store fotballnasjonane.

Under fjorårets EM blei åtte stadioner i åtte byar benytta, same antal stadionar skal benyttas i Polen og Ukraina der neste europamesterskap skal arrangerast i 2012. Fire stadionar er altså eit minimumskrav, det bli kanskje behov for enda fleire når antal land som deltar auker. UEFA stiller krav om minimum ni stadionar i mesterskapet, der tre må tilfredstille krava til 4 stjerner på UEFA sitt stadionratingsystem, og to stadionar med 5 stjerner. Femstjernersstadion må ha ein tilskodarkapasitet på minimum 50000. Dei øvrige stadionane som skal brukast må ha ein kapasitet på minst 30000, i følge wikipedia. I Norge i dag har vi ingen stadionar som tilfredstiller krava som UEFA stiller i forhold til tilskuerkapasitet.

I god sosialdemokratisk tradisjon kan vi jo ikkje vente anna enn at antal kampar i eit eventuelt mesterskap blir fordelt likt mellom Norge og Sverige, så då treng vi altså minst 4 stadionanlegg som tilfredstiller desse krava. Dei naturlege valga som arrangørbyar er Oslo, Bergen, Trondheim og Stavanger. Byar med fotballkultur og historie, og dei største byane er dei som har infrastrukturen som skal til for å arrangere dette. Men dagens stadionar er altså for små, det må utbyggingar til om ein skal kunne arrangere EM.

NFF presenterer i dag planer om eit nytt gigantstadion på Oslos austkant, planar uavhengige av om vi får eit EM-sluttspel eller ikkje. Eg tillater meg å tvile på om bakkekontakten er helt som den skal være hos NFF. Kva pokker skal vi med ein stadion med 50000 sitteplassar? Kven skal spele der? Landslaget er ikkje i nærheten av å ha eit publikumstekke verdig ein slik kapasitet. Og kvifor skal ein på denne måten spikre landslaget fast til Oslo? Vi har flotte stadionanlegg i Bergen, i Trondheim og i Stavanger, kvifor ikkje kan landslaget alternere mellom ulike stadion, i byar der det faktisk finnst fotballinteresse?

Men investeringane i infrastruktur som eit slik arrangement krever er langt større enn utvidingar av tilskuerkapasiteten på fotballbaner rundt om kring. Fotball-EM er eit av verdas største idrettsarrangemen, og store folkemengder, som ikkje berre skal sjå fotballkampar, men og ete, sove drikke øl og ikkje minst flytte på seg både til og frå Norge og Sverige, men også mellom  dei ulike arrangørbyane. På denne måten kunne jo eit EM-sluttspel vore ein god måte å fått satt i gang arbeid med å bygge høghastighetsjernbaner mellom dei største norske byane. Men dette er noko som bør byggast uavhengig av om ein skal arrangere EM eller ikkje.

Men ein skal ikkje berre transportere tilreisande fans, ein skal og holde styr på dei. Om Tyskland og England møtes i semifinale på denne nye stadionen i Oslo, har vi det som skal til for å halde orden på 100000 tilreisande øltørste, høglytte engelskmenn og tyskarar som sannsynlegvis ikkje vil være altfor vennleg innstilt til kvarandre. Ein må altså spørre seg om eit land som Norge er i stand til å talke alt det utanomsportslege som følger med eit Europamesterskap.

Men på den andre sida, det er jo lov å være opptimistisk og. NFF meiner eit EM vil være samfunnsøkonomisk lønsomt. Eit EM vil sette Norge, og Sverige, i søkelyset for heile Europa.

No har det norske og svenske fotballforbundet meldt si interesse for EM-sluttspelet. Eg må seie at eg ser fleire negative enn positive sider ved dette. Fram til den endelige søknadsfristen om eit års tid må altså NFF og deira svenske motpart overbevise skeptikarar som meg om at eit norsk-svensk europamesterskap i fotball er ein god ide. Ingenting hadde vore betre enn om dei klarte det.

This entry was posted on torsdag, februar 26th, 2009 at 15:38 and is filed under Norsk politikk, Sport. You can follow any responses to this entry through the RSS 2.0 feed. You can leave a response, or trackback from your own site.