Den Ukentlige

We chased lady luck til we finally struck – Bonanza. Slik er første tekstlinja i temasongen til Bonanza. Denne songen er kanskje rett nok meir kjend for melodien enn for teksten, men den har faktisk blitt spela inn på plate av sjølvaste Johnny Cash. Men det er sjølvsagt langt meir enn intromusikken som fenger ved Bonanza. Det er nok lang fleire enn meg som ser på ein god frukost saman med ein episode av Bonanza som ein perfekt start på helga.

Bonanza blei første gong sendt på amerikansk TV den 12. September 1959, og siste episode blei vist 16. Januar 1973, til saman 430 episodar. Bonanza handla om livet på ranchen Ponderosa i Nevada, der Ben Cartwright budde saman med sønene sine Adam, Eric og Joeseph. Eric og Joeseph er sjølvsagt betre kjende ved sine kallenavn, Hoss og Little Joe. Bonanza var i sine glansdagar den mest populære TV-serien i USA.

Ben Cartwright, spela av Lorne Greene, er familiens overhode. Ein tidlegare sjømann som fulgte draumen om det ville vesten. Ben er tre gonger enkemann. Hans først kone, Elizabeth, døde under sonen Adams fødsel, den neste, Inger, ein svensk imigrant, blei drept av ein indianar, og den siste, Marie, omkom etter å ha fallt av ein hest. Men aldri så gale at det ikkje er godt for noko, Ben fekk jo tre staute søner ut av sine ekteskap.

Adam, spela av Pernell Roberts, er den eldste. Den einaste av Cartwrights med høgare utdanning, Adam har ei grad i arkitektur han tok før familien satte kursen vestover. Det var derfor Adam som var ansvarleg for bygginga av Ponderosa. Pernell Roberts forlot serien i 1965, og Adam sitt fråvær frå serien blei forklart med at han fulgte i sin fars fotspor, og dro til sjøs.

Hoss, spela av Dan Blocker, er den nest eldste. Seriens “gentle gigant”, utstyrt med eit hjarte av gull og tidenes tøffaste cowboyhatt. Hoss er halvt svensk gjennom si mor Ingrid. Dan Blocker døde etter komplikasjoner i forbindelse med ein operasjon i 1972, noko som og førte tiil at karrakteren Hoss døde i serien. Det var igjen med på å leie til sviktande sjåartal, og til slutt kanselering av serien, som ikkje kunne overleve utan den mest populære karrakteren.

Yngstemann, Little Joe, spela av Michael Langdon, er serienes venstrehendte storsjarmør, med sitt blendande smil og grøne jakke. Little Joe var den klarte mest populære karrakteren blandt Bonanza sine kvinnlege sjåarar, målt i mengde av fanpost, og Michael Langdon skreiv og regisserte og fleire episodar av Bonanza.

Michael Langdon var saman med Lorne Greene dei av skodespelarane som hadde størst suksess etter kanseleringa av Bonanza, Langdon med Little House On The Prairie og Highway To Heaven, Greene mellom anna som Commander Adama i den første Battlestar Galactica-serien. Pernell Roberts, den einaste gjenlevande av Cartwrightbrødrene, hadde på åttitalet hovudrolla i serien Trapper John, M.D., ein spin-off om karrakteren frå M*A*S*H ved same namn.

Men sjølv om serien, og etterkvart skodespelarane gjekk i grava, var Bonanza på ingen måte død. Tre TV-filmar, med avkommet til Cartwrightbrødrene som hovedkarakterar, er produserte. Den første, Bonanza: The Next Generation, med Michael Langdon Jr. i rolla som Little Joe sin son Benji, kom i 1987. Dei to neste filmane, Bonanza: The Return og Bonanza: Under Attack kom i henholdsvis 1993 og 1997. Det er også laga ein prequel TV-serie, Ponderosa, som blei sendt på TV i 2001/2002.

Det blei og på sekstitalet laga ein fornøyelsespark med Bonanza-tema, Ponderosa, ved Lake Tahoe i Nevada, som desverre stengte dørene i 2004. Fleire av utandørsscenene i serien blei spela inn i denne parken. Sjølve Ponderosa-ranchen var og ein turistatraksjon i dette området. Det finnst og ein kjede av Ponderosa Steakhouse, som serverar mat slik Hoss ville ha likt den.

Bonanza blir vist på TV 2 laurdag og søndags morgon. Det er ingen grunn til ikkje å sjå på!

This entry was posted on lørdag, november 1st, 2008 at 13:03 and is filed under Kultur. You can follow any responses to this entry through the RSS 2.0 feed. You can leave a response, or trackback from your own site.